♥ السلام عليكم و رحمة الله و بركاته ♥
كيف حالكم ؟!♥
طيب أول مدونة ليا حتكون مشترياتي من موقع أمازون الأمريكي Amazon أو بالأصح من أمريكا ! :)
يللا نبدأ ؟!
أوكي ، أول شيء كنت من زمان مخططة إني أخد شيء من مجموعة ريل تيكنيكس حقت الميك اب أرتست ( سمانثا تشابمان )
و بدأت بمجموعة ( كور كوليكشن ) هي عبارة عن 4 فرش مخصصة للوجه للوجه ، محا أتكلم عنها بالتفصيل الممل لأن هادي مدونة مشتريات مو تدوينة ريفيو !
- إذا كنتو حابين إني أسوي ريفيو على الفرش الي اشتريتها أكتبو تحت -
سعرها : 15 $
بالسعودي كلفتني : 56 ريال
هادي صورتها :
و تاني شيء اخدتو من ريل تكنيكس برضو بس هادي فرشة لحالها هي فرشة البلاشر Blush Brush !
سعرها : 8 $
بالسعودي كلفتني : 30 ريال
هادي صورتها :
تالت شيء ماسكارا من ميبيلين Maybelline Great lash Lots of Lashes طبعًا بتقولو موجودة في بوتس و سنتر بوينت ، عارفه إنها موجودة بس مو بالسعر نفسو :)
سعرها : 4 $
بالسعودي كلفتني : 15 ريال فقط !
هادي صورتها :
رابع شيء بودرة هايلايتر ( إضاءة ) Marylou Manizer Highlighting Powder من The Balm
سعرها : 25 $
بالسعودي كلفتني : 94 ريال !
هادي صورتها :
خامس شيء و الأخير هو بودرة و شمع الحواجب من Elf درجة medium
سعرها : 5 $
بالسعودي كلفتني : 18 ريال
و هادي صورتها :
* و بس ! هادي كانت مشترياتي من موقع أمازون ، شكراً لمشاهدتكم و إذا في أي شيء تبغوا تشوفو في المدونة إطلبو و أنا إن شاء الله بسوي !♥♥
shout out to my lil sister for taking pictures for me, thanks sis !♥
♥ شكراً لكم ♥
